Հինգշաբթի 02.07.2020 10:59

Քաղաքական
01.07.2020 / 22:00
Քաղաքական
01.07.2020 / 21:00
Սատիրիկոն
01.07.2020 / 20:00
Տնտեսական
01.07.2020 / 19:30
02.06.2020   20:00
1006

Բանդան վերացնում են կամ համակերպվում, որ այն կհաստատի իր օրենքները


Երկու տարի է, ինչ ցանկացած դիսկուրսի ժամանակ ասվում է՝ ձեր իշխանության ժամանակ, բա չէ, ձեր իշխանության ժամանակ: Նույն կերպ՝ ձեր ընդդիմություն եղած ժամանակ, բա չէ, ձեր ընդդիմություն եղած ժամանակ:

Այս դիսկուրսն ամեն տեղ է և ամեն առիթով: Ասենք կենցաղային հողի վրա դեպք է տեղի ունեցել որևէ փաստաբանի հետ կամ հնչել է ատելության հերթական հրապարակային խոսքը: Միանգամից սկսվում է երկկողմանի հրաձգությունը և մեղադրանքների տեղատարափը՝ մեր ու ձեր ժամանակների համեմատության ու տեղը տեղին չքննադատելու վերաբերյալ:

Եվ շատ հաճախ իշխանության ներկայացուցիչներն են ներքաշվում այդպիսի փոխհրաձգության մեջ՝ փորձելով ցույց տալ, որ նախկինում ավելի վատ էր, իսկ հիմա՝ ավելի լավ:

Մինչդեռ իմաստ չունի ներքաշվել այդպիսի դիսկուրսի մեջ՝ մեկ պարզ պատճառով: Բանավեճի հիմքում դրված են սխալ բազային տվյալներ՝ չկա նախկին իշխանություններ հասկացություն: Երբևիցե ազատ, արդար և թափանցիկ ընտրություններ չանցկացրած խունտան չի կարող համարվել իշխանություն, ուստի իմաստ չունի դիտարկել՝ ինչն է լավ արել, ինչը՝ վատ:

Հեղափոխությունից անմիջապես հետո առաջին և ամենակարևոր գործը պետք է լիներ քաղաքական գնահատականը, հստակ ջրբաժան քաշելը՝ Ռոբերտ Քոչարյանը և Սերժ Սարգսյանը 20 տարի ապօրինի են զբաղեցրել նախագահի պաշտոնը: Նրանց կազմակերպած խորհրդարանական ընտրությունները չեն եղել օրինական, չեն արտահայտել ժողովրդի կամքը, ուստի բովանդազուրկ է դիտարկել, թե ինչն են վատ արել, ինչը՝ լավ:

Նախկինները պետք է հռչակվեին խմբավորում, որն ուժի միջոցով տիրացել է իշխանական լծակներին և 20 տարի երկրի քաղաքացիներին պահել պատանդի կարգավիճակում:

Քաղաքական գնահատականի բացակայությունն է հնարավորություն տվել այսօր կասկածի տակ դնել հեղափոխության լեգիտիմությունը, նաև նախկինների քաղաքական հաճախորդներին ճամարտակելու, որ կա ռեգրես:

Եթե քաղաքական գնահատականը հնչած ու արդեն ամրագրված լիներ, անգամ Էդմոն Մարուքյանը չէր կարող շատ մեծ ցանկության ու պատվերի դեպքում նման աբսուրդային գնահատականներ հնչեցնել:

Քաղաքական գնահատականի բացակայությունն է ոգևորել հայտնի ուժերին: Նրանք սպասում էին, որ կհայտարարվեն օրենքից դուրս, իսկ իրենց իշխանության տարիները կհռչակվեն իբրև ժամանակաշրջան, երբ Հայաստանում իշխում էր բանդիտական լավ կազմակերպված խմբավորում:

Նախկինները չեն եղել լավ կամ վատ իշխանություն, նույն կերպ նրանք չեն կարող լինել լավ կամ վատ ընդդիմություն: Բանդայի գործունեության հիմքում լրիվ ուրիշ շարժառիթներ ու շահեր են դրված: Բանդան կամ հայտարարում են օրենքից դուրս՝ դրանից բխող հետևանքներով կամ էլ համակերպվում, որ այն կհաստատի իր տիրապետությունը՝ դրանից բխող հետևանքներով:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արիս Վաղարշակյան, քաղաքական գնահատական


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված