Հինգշաբթի 22.10.2020 16:17

Սատիրիկոն/Լուր-մեկնաբանություն
22.10.2020 / 16:00
Սատիրիկոն/Լուր-մեկնաբանություն
22.10.2020 / 13:00
Սատիրիկոն/Լուր-մեկնաբանություն
21.10.2020 / 22:00
Սատիրիկոն/Լուր-մեկնաբանություն
21.10.2020 / 21:00
Սատիրիկոն/Լուր-մեկնաբանություն
21.10.2020 / 20:30
Սատիրիկոն/Լուր-մեկնաբանություն
21.10.2020 / 20:00
28.09.2019   09:00
13337

Բոլոլա շաբաթ


Անցնող շաբաթը ձանձրանալու առիթ չտվեց և ոչ մի րոպե: Ներքաղաքական «բոլոլային» հետևելը բարդ գործ է, ուր մնաց` դրանց անդրադառնալը:

Իրադարձություններն այնպիսի գլխապտույտ արագությամբ էին զարգանում, որ նույնիսկ մի տեսակ ստվերում մնաց Վճռաբեկ դատարանի որոշումը, որը մերժեց Մարտի 1-ի գործով գլխավոր ամբաստանյալ Ռոբերտ Քոչարյանի պաշտպանների դիմումը վարույթ ընդունել: 

Փաստաբանները Վճռաբեկ ատյան էին դիմել` պահանջելով բեկանել Վերաքննիչ դատարանի հունիսի 25-ի որոշումը, որն առնչվում է Քոչարյանի կալանքին: Դա նշանակում է, որ Ռ. Քոչարյանը կալանքի տակ կմնա այնքան ժամանակ, մինչև փաստաբանները հերթական միջնորդությունը չներկայացնեն` կալանքի ազատման հարցով: Նույնիսկ հաշիվն ենք կորցրել, թե ազատման հարցով փաստաբանները քանի միջնորդություն են ներկայացրել: Եթե նրանք միջնորդությունների համար առանձին գումար են ստանում, ապա միայն դրանով արդեն պետք է որ միլիոնատեր դարձած լինեն:

Բոլոր դեպքերում, փաստաբանները ևս մեկ բողոք են ներկայացրել Վճռաբեկ դատարան. օգոստոսին Վերաքննիչ քրեական դատարանի դատավոր Ալեքսանդր Ազարյանն անձեռնմխելիության հիմքով ազատ էր արձակել Ռոբերտ Քոչարյանին, իսկ նոյեմբերի 15-ին Վճռաբեկ դատարանը բեկանել էր այն` գործն ուղարկելով Վերաքննիչ դատարան` նոր քննության: Առայժմ հաշիվը 5:1 է` հօգուտ «Քոչարյանը փախչող տղա չէ» թեզին չհավատացող դատավորների: 

Նիկոլ Փաշինյանն այս ընթացքում ԱՄՆ-ում էր, որտեղ կայացած ասուլիսում ԱԱԾ նախկին պետ Արթուր Վանեցյանի ուսադիրները աղբամանը նետեց: Վանեցյանը «տակ չմնաց»` նշելով, որ ԱԱԾ պետ եղած ժամանակ ահագին ինֆորմացիա է կուտակել, շատ բարկանա, կարող է ու լիքը բան պատմել: Ու մինչ հասարակությունը Վանեցյանին «օստրակիզմի» էր ենթարկում, վերջինս` մոռանալով, որ օրեր առաջ ԱԱԾ պետ է եղել, լքեց Հայաստանը, ինչը այնքան էլ լավ բան չէ հատուկ ծառայություններ ղեկավարած անձի դեպքում: Հետո նրան կարծես թե Մոսկվայում են տեսել, կարծես թե շատ ուշագրավ մարդկանց շրջապատում: Տեսնենք, թե իշխանություններ-Վանեցյան հարաբերությունների պարզման հերթական ռաունդում ինչ է մեզ սպասվում:

ՀՔԾ-ն խիստ աղմկոտ կերպով հիշեցրեց իր մասին. մեղադրանքներ նեկայացնելով ՀՀ նախկին ոստիկանապետ Ալիկ Սարգսյանին և պաշտպանության նախկին նախարար Վիգեն Սարգսյանին:

Ալիկ Սարգսյանին ներկայացված մեղադրանքը Մարտի 1-ի գործով է: Նրան մեղադրում են 2008 թվականին գործի նախաքննության ընթացքում փաստաթղթեր կեղծելու, հետին թվով փաստաթղթեր սարքելու, ոստիկանության աշխատակիցներին կեղծիքների դրդելու, պաշտոնական դիրքը չարաշահելու, սպանդի օրը կրակված պարկուճները թաքցնելու և դրանք այլ պարկուճներով փոխարինելու մեջ: Մեղադրանքը այնքան ծավալուն է, որ կարելի է հիանալ Ալիկ Սարգսյանի աշխատունակությամբ, որ կարճ ժամանակահատվածում հաջողացրել է այդքան կեղծիքներ կատարել: 

Ալիկ Սարգսյանին ներկայացվող մեղադրականում բավական հաճախ շոշափվում է նաև ՀՀ նախկին գլխավոր դատախազ Գևորգ Կոստանյանի անունը, որն այն ժամանակ ՀՀ նախագահի օգնական էր: 

Կոստանյանը հեղափոխությունից հետո որոշ ժամանակ հիացած էր Նիկոլ Փաշինյանով, մի երկու անգամ պաշտոն ստանալու անթաքույց ակնարկներ արեց, աչքով-հոնքով հասկացրեց, որ պատրաստ է ծառայել հանուն նոր Հայաստանի, բայց` ապարդյուն, մանավանդ մեղադրականից երևում է, թե ինչպես է ծառայել Սերժ Սարգսյանին և Ռոբերտ Քոչարյանին:

Վիգեն Սարգսյանին ներկայացվել է պաշտոնական դիրքը չարաշահելու մեղադրանք: Զինծառայողների համար նախատեսված նոր բնակարանները նա չի տրամադրել ըստ հերթագրվածների: Այսինքն` հերթը խախտել է: Սա նախկին բարձրաստիճան պաշտոնյաների կատարած ապօրինությունների կողքին պարզապես մանկական չարաճճիություն կարելի է համարել: Եվ եթե Վիգեն Սարգսյանը իր պաշտոնավարման ընթացքում բավարարվել է ընդամենը նման զանցանքով, ուրեմն իսկապես կարգին մարդ է: 

Բայց այս ամենը ստվերեց ՀՀ նախկին ոստիկանապետ Հայկ Հարությունյանի ինքնասպանության դեպքը: Ընդ որում, այս դեպքն էլ մի պահ ստվերում մնաց որոշ լրատվամիջոցների անբարո վարքագծի պատճառով: Դեռ ողբերգության վայրում արյունը չչորացած, մի շարք լրատվամիջոցներ` ուս-ուսի տված, մի ամբողջ ռեպորտաժ էին տվել, թե ինքնասպանությունից առաջ Հայկ Հարությունյանը ինչ է ասել: Հաշվի առնելով այդ լրատվամիջոցների առնչությունը քոչարյանական շրջանակներին, պարզ էր, որ ասել էր, թե իրեն ճնշում են, որ Քոչարյանի դեմ Մարտի 1-ի գործով ցուցմունք տա, որ Քոչարյանը Մարտի 1-ի հետ կապ չունի ու ինքը` չդիմանալով այդ ճնշումներին, կյանքին վերջ է տվել: Մյուս կողմից, զարմանալու կարիք չկա. Քոչարյանին պատկանող հեռուստաընկերություններից մեկը Մարտի 1-ի զոհերի հարազատներին խոսեցրել էր, հետո խաբել էր, նրանց խոսքերը մոնտաժելով, Քոչարյանին հերոսացնող, արդարացնող ֆիլմ էր պատրաստել: Այնպես որ` քոչարյանականներից պիտի սպասենք ցանկացած պիղծ բան:

Մհեր Ղալեչյան

«Չորրորդ իշխանություն», 2, 2019



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Ալիկ Սարգսյան, Վիգեն Սարգսյան, Ռոբերտ Քոչարյան, Հայկ Հարությունյան, Նիկոլ Փաշինյան, «Չորրորդ իշխանություն», Մհեր Ղալեչյան


››› Կարդացեք Չարենց
››› Կարդացեք Չարենց
››› Կարդացեք Չարենց
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված

Մարգո է վատացել
Մարգո է վատացել
04.10.2020 / 6790























Բարև, անորակներ
Բարև, անորակներ
01.10.2020 / 1545






Սա՞ էր ձեր թափը
Սա՞ էր ձեր թափը
03.10.2020 / 1420


Ժողովրդին ատողը




Էդիկ, դու սուս
Էդիկ, դու սուս
15.10.2020 / 1335