Հինգշաբթի 17.06.2021 12:09

20.12.2019   10:30
21628

Չեմ ստորագրել, չեմ ասել՝ կողմ եմ, որ Քոչարյանի խափանման միջոցը փոխվի. Կարեն Գևորգյան


Այսօր Հայաստանի և Ռուսաստանի մշակույթի շուրջ 60 հայազգի գործիչներ հայտարարություն են տարածել, որով կոչ են արել կալանքից ազատել երկրորդ նախագահ Ռոբերտ Քոչարյանին, փոխել նրա փափանման միջոցը:

Ստորագրահավաքին միացած և Քոչարյանին ազատություն պահանջող արվեստի գործիչներից է նաև ՀՀ մշակույթի վաստակավոր գործիչ, Հայաստանի ազգային պարարվեստի և պարագետների միության նախագահ, ՀՀ վաստակավոր կոլեկտիվ «Բերդ» պարային անսամբլի գեղարվեստական ղեկավար Կարեն Գևորգյանը:

«ՉԻ»-ի հետ զրույցում, սակայն, Կարեն Գևորգյանը հերքեց, որ Քոչարյանի ազատությունն է պահանջում: Ըստ նրա՝ չի ասել, որ Քոչարյանի խափանման միջոցը փոխելուն կողմ է:

- Պարոն Գևորգյան, Ռոբերտ Քոչարյանի ազատությունը պահանջող արվեստի գործիչներից մեկն եք: Դուք մտավախություն չունե՞ք, որ նա, հայտնվելով ազատության մեջ, կարող է ազդել գործով վկանների վրա:

- Ինձ զանգահարել են Ռոբերտ Քոչարյանի գրասենյակից և հարցրել՝ Դուք կո՞ղմ եք, թե՞ դեմ, որպեսզի փոխվի Ռոբերտ Քոչարյանի խափանման միջոցը: Ես ասել եմ՝ դատում են՝ դատեն, թողնում են՝ թողնեն: Իմ ասածի իմաստը եղել է հետևյալը. եթե մեղավոր է թող դատապարտվի, եթե մեղավոր է, պետք է իր արժանի պատիժը կրի: Ցանկացած մարդ, ով հանցագործություն է կատարել այս երկրում, պետք է պատժվի: Բայց եթե որոշակի հանգամանքներում չի ապացուցվում մարդու մեղավորությունը, պետք է մարդուն թողել, մինչև ապացուցվի հանցագործությունը: Այդպիսի բան չի եղել, որ մեզ թուղթ բերեն, մենք ստորագրենք: Ես ունեմ իմ կարծիքը: Նորից եմ կրկնում՝ ամեն մարդ իր արածի համար պետք է պատասխան տա: Եթե մեղավոր է, պետք է դատապարտվի, եթե մեղավոր չէ, չպետք է դատապարտվի: Ես քաղաքական գործիչ չեմ և քաղաքական հայտարարություններով, իսկապես, չեմ զբաղվում, հավատացեք: Ես պարի մարդ եմ և իմ գործն եմ անում: 

-   Բոլոր դեպքերում, եթե Քոչարյանն ազատության մեջ հայտնվի և ազդի գործով վկաների վրա, Դուք վկաների անվտանգությունը երաշխավորո՞ւմ եք:

-  Ես չեմ կարող այդպիսի հայտարարություններ անել, որովհետև ես բացարձակ այդ իրավիճակների մեջ խորացած չեմ: Ես չեմ կարող ասել՝ ինքն ազատության մեջ կլինի, չի լինի, որովհետև ես իրավիճակին չեմ տիրապետում և այդ հարցի ամբողջական պատկերը խորությամբ չգիտեմ: Այդ հայտարարության մեջ գրված է, որ մեզանից շատերն անձամբ ճանաչում են նրան: Ես  անձամբ նրան չեմ ճանաչում, ամբողջ կյանքում նրա հետ մեկ անգամ հանդիպում չեմ էլ ունեցել, ո՞նց ասեմ:

-    Այդուհանդերձ, եթե Քոչարյանն ազատության մեջ հայտնվի, և ազդի գործով վկաների վրա, Դուք դրա համար բարոյական պատասխանտվություն չե՞ք զգա:

-    Ես ի՞նչ պատասխանատվություն պետք է կրեմ: Պատասխանատվություն թող կրեն համապատասխան մարմինները:

-  Չեք վախենո՞ւմ դեմ գնալ հասարակական կարծիքին: Մտավախություն չունե՞ք, որ հասարակությունը կբոյկոտի և ձեր համույթի համերգներին մարդ չի՞ գա:

-  Ես բոյկոտելու բան չեմ տեսնում, կարծիք եմ ասել: Ես քաղաքականությամբ չեմ զբաղվում, ինձ մի խառնեք քաղաքականության մեջ:

-  Բայց Ձեր անունը հայտնվել է Քոչարյանի ազատությունը պահանջողների ցանկում, ակամայից հայտնվել եք հասարակության ուշադրության կենտրոնում և քաղաքականության մեջ:

-    Ամեն մեկին արժանի պատիժ: Եթե մարդը արժանի է պատժի, դատարանը պետք է որոշի համապատասխան պատիժ տալ այդ մարդուն:

-  Նորմա՞լ եք համարում, որ Մարտի 1-ին տանկեր հանվեցին ժողովրդի դեմ:

-  Դա սարսափելի բան է, ինչի մասին է խոսքը: Ես այդ ժողովրդի մի մասնիկն եմ: Թող դատաքննությունը պարզի և արժանի պատիժ տա այն մարդկանց, ովքեր մեղավոր են Մարտի 1-ի գործում:

-  Երեկ դատական նիստի ժամանակ Ռոբերտ Քոչարյանը հայտարարեց, որ մանկուրտների հասարակություն ենք դարձել: Լինելով հասարակության մի մասնիկը՝ համաձա՞յն եք նրա հայտնած տեսակետին:

-  Ես չգիտեմ, ոչ լուրերի եմ հետևում, ոչ մի քաղաքական հայտարարության չեմ հետևում: Ես իմ գործն եմ անում, նոր ներկայացում եմ անում, ես ինչ գործ ունեմ քաղաքական բառերի հետ: Ես չեմ ստորագրել, որ Քոչարյանի խափանման միջոցը փոխվի: Ես ասել եմ՝ արժանի պատիժ: Եթե մարդը մեղավոր է, պետք է պատժվի, եթե մեղավոր չէ, պետք է ազատել: Ես չեմ ասել, որ նրա խափանման միջոցը փոխեք: Ես այդպիսի հայտարարություն չեմ արել:

- Ստացվո՞ւմ է, որ Քոչարյանի գրասենյակը խեղաթյուրել է Ձեր կարծիքը:

-  Իրենք հարցրել են՝ Դուք կո՞ղմ եք, որ խափանման միջոցը փոխվի: Ես չեմ ասել, որ այո, կողմ եմ, որ նրա խափանման միջոցը փոխվի: Ես ասել եմ, որ մեղավորները պետք է պատժվեն, իսկ ովքեր մեղավոր չեն, պետք է դուրս թողնել:  Հիմա դուք իմ հայտարարությունը ո՞նց եք մեկնաբանում: Ես կո՞ղմ եմ, որ իրեն հանեն: Ես ասում եմ, որ դուք կարող եք հերքել, ես այդպիսի բանի տակ չեմ ստորագրել և չեմ ասել, որ կողմ եմ, որպեսզի նրա խափանման միջոցը փոխվի:

Մանյա Պողոսյան



 Պիտակներ

         Կարեն Գևորգյան, Մանյա Պողոսյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


























Գործակալ 00
Գործակալ 00
01.01.2020 / 22713


Խոսող ձուկը
Խոսող ձուկը
10.11.2019 / 22193


Պեսիմիստական
Պեսիմիստական
08.03.2020 / 21038


Բոլոլա շաբաթ
Բոլոլա շաբաթ
28.09.2019 / 20519





Բա
Բա
20.11.2020 / 19257



Գործակալ 00
Գործակալ 00
01.01.2020 / 18544





Գործակալ 00
Գործակալ 00
01.01.2020 / 17332

The Tashir spider web
The Tashir spider web
09.12.2019 / 17189