Չորեքշաբթի 05.08.2020 20:05

Լուր-մեկնաբանություն
05.08.2020 / 19:00
Քաղաքական
05.08.2020 / 17:00
Լուր-մեկնաբանություն
05.08.2020 / 16:00
Տնտեսական
05.08.2020 / 14:30
Լուր-մեկնաբանություն
05.08.2020 / 12:30
Լուր-մեկնաբանություն
04.08.2020 / 22:00
01.08.2020   09:30
945

«ՉԻ» ռիթմով

 Читать на русском

Ամենուրեք ծանր կորուստներ

Անցած շաբաթը... իսկ շաբաթը ի՞նչ, այն այնպիսին էր, ինչպիսին՝ նախորդները: Թերևս, ճիշտ կլինի անդրադառնալ այս շաբաթվա այն իրադարձություններին, որոնց հիման վրա կարելի է որոշ չափով գնահատել իշխանությունների վերջին երկու տարվա գործունեությունը:

Միանգամից ասենք, որ շատ վատ պատկեր է ստացվում: Չափազանց վատ: Այն ակնկալիքները, որոնք մենք ունեինք հեղափոխական իշխանություններից՝ հեղափոխությունից հետո, որևէ աղերս չունեն իրականության հետ:

Ազատ և անկախ հանցագործներ

Դատական իշխանությունը. բացարձակապես տապալել են բարեփոխումները: Տարիներ շարունակ իշխանություններին հլու-հնազանդ սպասարկող, պատվերներ կատարող դատավորներն իրենց տեղում են, ոչ ոք պատասխանատվության չի ենթարկվել, ոչ ոք նրանց չի փոխարինել: Նոր դեմքեր չեն հայտնվել: Եթե հեղափոխությունից հետո դատական համակարգը ինչ-որ պահ երերում էր, դատավորները վախի դոզայի տակ էին, հիմա այդ ժամանակներն անցել են: Հիմա բացահայտ շարունակում են սպասարկել նախկին իշխանություններին: Ուշադրություն դարձրեք. նախկին բարձրաստիճան պաշտոնյաներից ոչ ոք չի պատժվել, ոչ ոք չի ազատազրկվել, ոչ ոք պատասխան չի տվել իր հանցագործությունների համար: Բոլորը ազատության մեջ են, բացառությամբ՝ Գագիկ Խաչատրյանի, նա էլ շուտով երևի ազատ արձակվի. ումի՞ց է պակաս:

Այդ առումով հատկանշական է «Մարտի 1-ի» գործը: Ըստ էության, այն մարմանդ գնում է դեպի տապալում: Քոչարյանը, այն Քոչարյանը, որը 2018-ին վախենում էր նույնիսկ ասուլիս տալ, հիմա ոտը-ոտին գցած տալիս է, հանգիստ ֆռֆռում է, սելֆիներ է անում, աջուձախ հարցազրույցներ տալիս: Այս իշխանությունները՝ Նիկոլ Փաշինյանի գլխավորությամբ, պարտք են «Մարտի 1-ի» ոճրագործության զոհերի հարազատներին ու քաղբանտարկյալներին, և «Մարտի 1-ի» գործի տապալումը նրանց խղճին է լինելու:

Կոսմետիկ տունտունիկ  

Սահմանադրական դատարանի բարեփոխումներ. կատարյալ ֆիասկո է: Կասեն, չէ, ո՞նց, բա չտեսա՞ք, 3 հոգու հանեցին ՍԴ-ից, Հրայր Թովմասյանին էլ զրկեցին ՍԴ նախագահի կարգավիճակից: Միանգամից ասենք, որ դա լուծում չէր, ավելի ճիշտ, կոսմետիկ լուծում էր: Նախ, դատավորի կարգավիճակից զրկվածները դիմել են ՄԻԵԴ, դեռ պարզ չէ, ինչ որոշում այնտեղ կկայացնեն, երկրորդ՝ ՍԴ-ում շարունակելու են պաշտոնավարել դատավորներ, որոնք ոտից-գլուխ թաղված են հանցագործությունների, հանցագործություններ պարտակելու, ՍԴ-ն նախորդ իշխանություններին սպասարկելու, նրանց հագով Սահմանադրություն կարելու մեջ: Այսինքն, ՍԴ-ն այդպիսի կազմով չի կարող ծառայել իր բուն նպատակին. օրինականությանը: Այն շարունակելու է ապակայունացման օջախ մնալ:

Եվ վերջապես, կոսմետիկ է, որովհետև ի՞նչ տարբերություն, Ալվինա Գյուլումյա՞նն է ՍԴ-ում լինելու, թե՞ Վահրամ Ավետիսյանը: Եթե այդպես էր, թողեիք, մնար, հետը լեզու գտնեիք, իսկ եթե նրա փոխարեն պետք է բերեք նրա էությամբ և բովանդակությամբ մեկին, սրա ի՞նչն է բարեփոխում: Գումարելիների տեղափոխությունից գումարը չի փոխվում: Ոնց որ ձեռ առնեն: Ու հարցը արդեն Վահրամ Ավետիսյանի հոր գործոնը չէ: Հարցը հենց ինքն է՝ Վահրամ Ավետիսյանը, որը, ինչպես պարզվում է, լավ էլ սպասարկել է նախորդ իշխանություններին, թաղված է հազար ու մի կասկածելի գործարքներում, հիմա էլ փորձում է թաքցնել իր անցյալի մութ էջերը: Այնքան հարմար թեկնածու է, որ մի ընտանեկան լրատվամիջոց հանուն նրա «Մարտի 1-ի» զոհերի հարազատներին մատնիչներ է համարում: 

Սևանն ու անտառները

Բնապահպանություն. աղետ է: Սևանա լիճը շարունակում է մամռակալել, ձկնորսությունը լրիվ բարձիթողի վիճակում է, այսօր կարող եք Երևանի ցանկացած հատվածում 100-150 դրամով թարմ սիգ գնել: 

Իջևանում մի պահ աղմուկ բարձրացավ ծառահատումները արգելելու պատճառով, մի քանի հոգու կարծես թե պատժեցին, բայց հիմա ծառահատումները նոր թափ են հավաքել. ոչ մի վերահսկողություն չկա: Տավուշի մարզ, Կոտայք, Աղվերան, Ծաղկաձոր... ծառ է, որ հատում են:

Ամուլսարի իրադարձությունները ցույց տվեցին, որ իշխանությունները չունեն այնքան քաղաքական կամք և ցանկություն, որ վերջապես լուծեն այդ թնջուկը: Ամուլսարը շահագործելու ցանկություն ունեցողների ձեռքը մի ողջ տարածաշրջան կրակն է ընկել: Իշխանությունները մի կողմից ցանկանում են դրա հաշվին վարկանիշ պահել, իբր թե զբաղվում են, բայց իրականում աջակցում են բնապահպանական աղետի ջատագովներին: Հիմա էլ նոր նախարար են բերելու՝ Ռոմանոս Պետրոսյանին: Ի՞նչ ասենք. նման իրավիճակներում չենք նախանձում իրեն: 

Կրտված կրթություն

Կրթական համակարգ. չգիտենք էլ, որ մեկը ասենք: Ընդունելության վերջին քննություններն այնքան խայտառակ ընթացք ունեցան, որ տարիներով են հիշվելու: Երբ որ 20 բալ ստացածը հանկարծ ու չի ընդունվում բուհ: Ոլորտի ղեկավարները՝ Արայիկ Հարությունյանի գլխավորությամբ, ոնց որ դիտմամբ ամեն ինչ անեին հասարակությանն իրենց դեմ հանելու համար: Ընդհանրապես որևէ բարեփոխում չի եղել, ոչ մի ռազմավարություն, ոչ մի ծրագիր, ոչ մի պատկերացում, թե ինչ անել, որտեղից սկսել, որը թողնել: Շաբաթը մեկ մի բան են մոգոնում, շաբաթը մեկ էլ նոր զավեշտի ականատեսն ենք դառնում: 

Բուհերում խորհրդային կարծրատիպերը ոնց եղել են, այդպես էլ շարունակում են մնալ: Անկախ Հայաստանի պատմությունը դասավանդում են մարքսիզմ-լենինիզմի փիլիսոփաները, իրավագիտությունը շարունակում են դասավանդել կոռումպացված դատավորները, դատախազները, գործ կարած իրավաբանները: 

Առանձին դեռ մյուս ոլորտներին էլ կանդրադառնանք, ուղղակի ասենք, որպետք չէր սրա համար հեղափոխություն անել: Եթե պիտի իշխանության գայիք, որպեսզի շարունակեք այն, ինչ արվում էր մինչև հեղափոխությունը, ավելի լավ է, տանը մնայիք:  

«Չորրորդ իշխանություն», թիվ 20, 2020



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         ՍԴ, Արայիկ Հարությունյան, բնապահպանություն, Վահրամ Ավետիսյան, կրթություն, «ՉԻ» ՌԻԹՄՈՎ, «Չորրորդ իշխանություն»


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Երգիր, որ չկռվես


«ՉԻ» ռիթմով
«ՉԻ» ռիթմով
01.08.2020 / 941














Ստոպ-կադր
Ստոպ-կադր
01.08.2020 / 515













В ритме «ЧИ»
В ритме «ЧИ»
01.08.2020 / 262