Քաղաքական
28.05.2020 / 21:00
Լուր-մեկնաբանություն
28.05.2020 / 19:00
Քաղաքական
28.05.2020 / 17:00
Տնտեսական
28.05.2020 / 16:00
Խոհանոց
28.05.2020 / 15:00
Լուր-մեկնաբանություն
28.05.2020 / 13:15
25.09.2019   14:25
1856

Դժգոհություն Ֆիզիկայի ինստիտուտի տնօրենի կամայականությունների դեմ


Ալիխանյանի անվան ազգային լաբորատորիայի (Երևանի Ֆիզիկայի Ինստիտուտ) տնօրենն աշխատանքից ազատել է գլխավոր հաշվապահին: Այս մասին «ՉԻ»-ի հետ զրույցում ահազանգեց ինստիտուտի նախկին տնօրեն, ավագ գիտաշխատող ֆ.մ.գ. դոկտոր Ռուբեն Մկրտչյանը: Նրա խոսքով՝ ինստիտուտի տնօրեն Անի Ապրահամյանը հաշվապահին անօրինական կերպով է աշխատանքից հեռացրել:

Տնօրենի բացատրությամբ՝ հաշվապահին աշխատանքից ազատել է կոմերցիոն գաղտնիք բացահայտելու համար: Ռուբեն Մկրտչյանը տարակուսում է. «Բացահայտումը կայանում է նրանում, որ հաշվապահը մեկ ամիս առաջ մեյլով գրել է ինստիտուտի ղեկավարներից մի քանիսին, որտեղ որոշ ֆինանսական հարցեր են քննարկվել: Սարսափելի է, որ ֆինանսական հարցերի վերաբերյալ ինստիտուտի ղեկավարության հետ քննարկումը հայտարարում են ֆինանսական գաղտնիքի բացահայտում»:

Ֆիզիկայի նախկին ինստիտուտի տնօրենը հաշվապահին աշխատանքից ազատելու մի քանի պատճառ էլ է թվարկում: 2 շաբաթ առաջ ինստիտուտում կուտակված խնդիրների մասին նամակով դիմել են Կրթության, գիտության, մշակույթի և սպորտի նախարարություն: 63 աշխատակից ստորագրել է նախարարությանը հասցեագրված նամակի տակ, գլխավոր հաշվապահը նրանցից մեկն է եղել: Ռուբեն Մկրտչյանի կարծիքով՝ աշխատանքից ազատվելու առիթներից մեկը նաև սա է՝ չնայած նախարարությանը խնդրել են ապահովել նամակի տակ ստորագրած անձանց պաշպանությունը:

«Խնդրել ենք հանձնաժողով ստեղծել բարձրացված հարցերը քննարկելու համար: Նախարարությունից մեզ կանչեցին, եղած հարցերը ներկայացրեցինք, ինչպես նաև խնդրեցինք, որ պաշտպանություն ապահովեն այդ մարդկանց նկատմամբ, քանի որ Անի Ապրահամյանը վրիժառու մարդ է: Նախարարությունից ասացին՝ համարեք՝ պաշտպանությունը կա: Այս դեպքից հետո զանգեցինք նախարարություն, ասացին, որ կպարզաբանեն: Խնդրում ենք, որ այդ հրամանը հետաձգեն մի քանի օրով, մինչև պարզաբանվի, թե իրավաբանորեն դա ինչ է նշանակում»,- պատմեց Մկրտչյանը:

Նա մտահոգվում  է, որ տնօրենը նույն կերպ կարող է վարվել ինստիտուտի մյուս աշխատակիցների հետ: Բացի սա էլ, ըստ Ռուբեն Մկրտչյանի, գլխավոր հաշվապահը կոնֆլիկտներ ուներ ֆինանսական բաժնի ղեկավարի հետ:

«Տնօրենը պաշտպանում է ֆինանսական բաժնի ղեկավարին: Ամսական 2 միլիոն դրամ է տալիս նրան, որն անհեթեթ բան է մեր ինստիտուտի համար»,- դժգոհեց ինստիտուտի ավագ գիտաշխատողը:

Վերջին տարիներին ինստիտուտի աշխատակիցները կառույցում ստեղծված ճգնաժամային իրավիճակի մասին բազմաթիվ նամակներ են գրել տարբեր ատյաններ, սակայն առանց արդյունքի: Այժմ խնդիրներն էլ ավելի են սրվել, իսկ քանակն էլ՝ ավելացել: Պատկան կառույցներին ուղղված նամակներում աշխատակիցների գլխավոր դժգոհություններից մեկը հոգաբարձուների խորհրդին է վերաբերում: Ֆիզիկայի ինստիտուտի նախկին տնօրենի ներկայացմամբ՝ հոգաբարձուների խորհուրդը անօրինական որոշումներ է ընդունում: Գործում է ինստիտուտի կանոնադրության, ՀՀ օրենքների խախտումներով: Խորհուրդն անցկացվող նիստերի մասին չի հայտարարում: Ընդունած որոշումները նույնպես չի հրապարակում:

Բողոքների մի մասն էլ տնօրենի աշխատանքից է: Ռուբեն Մկրտչյանն ասում է, որ տնօրենը քմահաճույքով է աշխատավարձը բաժանում: Օրինակ՝ իր  քարտուղարուհին ստանում է գիտության դոկտորի աշխատավարձից կրկնակի բարձր: Նա նաև նշեց, որ ինստիտուտում կուտակված խնդիրներն այսքանով չեն սահմանափակվում:

Մանյա Պողոսյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Մանյա Պողոսյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















«ՉԻ» ռիթմով
«ՉԻ» ռիթմով
11.05.2020 / 2526










«ՉԻ» ռիթմով
«ՉԻ» ռիթմով
04.05.2020 / 2178














Թիմ չի, մուրազ է




Գործակալ 00
Գործակալ 00
02.05.2020 / 1729