Լուրեր
28.11.2020 / 12:00
Սատիրիկոն/Լուր-մեկնաբանություն
28.11.2020 / 11:00
Լուրեր
28.11.2020 / 09:30
Լուրեր
28.11.2020 / 09:00
Սատիրիկոն/Լուր-մեկնաբանություն
27.11.2020 / 22:00
Սատիրիկոն/Լուր-մեկնաբանություն
27.11.2020 / 21:00
18.10.2019   10:30
3305

Հանքարդյունահանողն անբարեխիղճ է, պատկան մարմինն էլ տեղում չէ


«Զանգեզուրի պղնձամոլիբդենային կոմբինատ» ՓԲ ընկերությանը պատկանող Արծվանիկի պոչամբարի մետաղյա խողովակաշարի 2-րդ հանքահորում տեղի ունեցած վթարի հետևանքով հոսքաջրերը լցվել են Ողջի գետ։  

Բնապահպանության և ընդերքի տեսչական մարմինը հայտարարեց, որ վթարն արդեն վերացվել է։ Իրականացրել են զննություն, արձանագրել փաստերը, կատարել աղտոտված ջրերի նմուշառումներ: Վթարի պատճառներն ուսումնասիրվում են, ինչպես նաև կիրականացվի շրջակա միջավայրին հասցված վնասի հաշվարկ: Ընկերությանն էլ  հանձնարարվել է իրականացնել վթարից առաջացած հետևանքների վերացման աշխատանքներ։ 

Կապանի բնակիչ Անի Սարգսյանի փոխանցմամբ՝ առավոտյան նկատել են, որ գետի ջրի գույնը փոխվել է՝ այն ասես ցեմենտաջուր լինի:

Իսկ  բնապահպանները տեղի ունեցածը էկոլոգիական հանցագործություն են համարում:

Բնապահպան Սիլվա Ադամյանի կարծիքով՝ եթե Բնապահպանության և ընդերքի տեսչական մարմինն իր աշխատանքները լավ կատարեր, ապա այսօր նման խնդիր չէր առաջանա:

«Տեսչական մարմինն իր տեղում չէ, չի կատարում իր գործառույթները,  լինի դա այս դեպքում, «Թեղուտի», թե մյուսների դեպքում: Նայում ես՝ ինչ-որ աշխատանքներ են կատարում՝  այսքան թռչուն բաց թողեցինք, այս արեցինք: Այո, դա շատ լավ է, բայց մեզ մոտ կարևորը հանքարդյունաբերական խնդիրներն են: Տեսչական մարմինը պետք է պարբերաբար ստուգումներ անցկացնի, չափումներ անի՝ տեսնեն պոչանքներն ինչ վիճակում են, չեն անում և վերջ»,- «ՉԻ»-ի հետ զրույցում նման կարծիք հայտնեց նա:

Բնապահպանները մշտապես խոսել են Արծվանիկի պոչամբարի խնդիրների մասին:

Դեռ մեկ տարի առաջ բնապահպանները Արծվանիկի պոչամբարը տեսել են և լուսանկարել: Արձանագրել են, որ վիճակն աղետալի է:  

«Պոչանքները թույլատրելի սահմանն անցել են: Այդտեղ ջուր կա, որից օգտվում են գյուղացիները: Ընտանի կենդանիները պոչամբարի կողքին են արածում, մարդիկ այգիներ են հիմնել պոչամբարի կողքին: Եվ այդ աղտոտված մրգերից նրանք օգտվում են, այն դուրս է գալիս նաև երևանյան շուկա»,- մատնանշեց Ադամյանը:

Մեր զրուցակիցը ստեղծված իրավիճակում նաև «Զանգեզուրի պղնձամոլիբդենային կոմբինատ» ՓԲ-ի մեղքի բաժինն է տեսնում.

«Մեր բոլոր հանքարդյունահանողներն անբարեխիղճ են՝ 99 տոկոսը: Այստեղ պետական մարմինները պետք է մեծ դեր խաղան, գնան վերահսկեն, տուգանեն, փակեն: Քանի որ իրենք դա չեն անում, հանքարդյունահանողներն էլ օգտվում են այդ առիթից: Սա միշտ է եղել»:

Բնապահպանը նկատում է, որ շուտով նույնպիսի վթար կլինի նաև «Թեղուտի» դեպքում: Պատկան մարմինները Արծվանիկի պոչամբարի վթարն աչքի առաջ ունենալով, պետք է վերահսկողություն իրականացնեն բոլոր պոչամբարներում:

«Այն հայտարարությունները, որ «Թեղուտի» պոչամբարը լավ վիճակում է, կարելի է հանքը շահագործել, բոլորովին չի համապատասխանում իրականությանը: Փորձագետները գնացել և տեսել են, դա իրենք ենք փոխանցում: Եթե բիզնեսմենն անբարեխիղճ է, պատկան մարմինն էլ իր գործառույթները չի կատարում, այսպիսի խնդիրներ լինելու են»,- ընդգծեց նա:

Շրջակա միջավայրի նախարար Էրիկ Գրիգորյանն այսօր լրագրողների հետ զրույցում պարզաբանել է, որ բոլոր պոչամբարների անվտանգության առաջին պատասխանատուն տնտեսվարողն է:

Նա հայտնել է, որ պոչամբարի խողովակաշարը կառուցվել է ԽՍՀՄ վերջին տարիներին, երբ որոշվել է Զանգեզուրի պղնձամոլիբդենայինի պոչերը տասնյակ կմ խողովակներով տեղափոխել Արծվանիկի պոչամբար:

Նախարարը նաև նշել է, որ հանքարդյունաբերող ընկերությունները նախարարության նկատմամբ ունեն պարտավորություններ, որ աղտոտում չլինի, չափաքանակներից ավելի ջրառ չլինի: Ըստ Գրիգորյանի՝ քանի որ կարգավորումները մեծ մասամբ ձևական բնույթ են ունեցել և ծիծաղելի ցածր են եղել, շատ դեպքերում շահավետ է եղել տեխնիկական լուծումների չգնալ, վթար լինելու դեպքում էլ վճարել 500-600 հազար դրամ տուգանք և չանհանգստանալ:

Մանյա Պողոսյան



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Մանյա Պողոսյան


››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները

Ամենաընթերցված

Բա
Բա
20.11.2020 / 13664








Բա ո՞ւր ես, ապեր
Բա ո՞ւր ես, ապեր
12.11.2020 / 3205






Հիմա էլ սրանք
Հիմա էլ սրանք
04.11.2020 / 2366


Ի՞նչ եք ծխում
Ի՞նչ եք ծխում
24.11.2020 / 2044


























Թամադա Իշխանը
Թամադա Իշխանը
13.11.2020 / 1035




Սկսիր կնոջիցդ
Սկսիր կնոջիցդ
23.11.2020 / 934



Ձե՛նդ, այ...
Ձե՛նդ, այ...
17.11.2020 / 922