Թող աղցան բառը ձեզ մոլորության մեջ չգցի. իր կազմությամբ սա ավելի շատ մածուկ-սփրեդ է հիշեցնում, որը լավ է մատուցել տապակած հացի հետ:
Բաղադրիչները
4-6 բաժնի համար
- 1 կգ խոշոր բադրիջան
- 1 փոքր գլուխ սոխ
- 1 մեծ կիտրոնի հյութ
- միջին փունջ մաղադանոս
- 200 մլ ձիթապտղի ձեթ
- աղ
Պատրաստման եղանակը
- Բադրիջանի վրա պատառաքաղով մի քանի տեղ անցքեր արեք ու տեղադրեք 180 աստիճան ցելսիուս տաքության ջեռոցում, թող խորովվեն քանի դեռ կեղևը չի սևացել, միջուկն էլ շատ չի փափկել՝ մոտ 35-45 րոպե:
- Մաղադանոսի ցողունները հեռացրեք, տերևները շատ մանր կտրատեք: Մանր կտրատեք սոխը:
- Բադրիջանները մի փոքր հովացրեք, մաքրեք կեղևից: Միջուկը պատառաքաղով տրորեք, ապա հարեք կիտրոնի հյութի ու աղի հետ: Մաս-մաս ավելացրեք սոխը, մաղադանոսն ու ձեթը: 1-2 ժամ թողեք հովանա:
Մատուցեք տապակած հացի հետ: