30.01.2021   15:00
142

Հեշտ ու համեղ. Ոչխարի մսով ու սալորաչրով թաջին


Մի փոքր քաղցրահամ, համեմունքներով հարուստ սալորաչրով ոչխարի միսը լավագույնս է բնութագրում եգիպտական խոհանոցը: Այսպիսի ուտեստները շատ լավ են ստացվում կավե սպասքի՝ թաջինի մեջ, որը նախատեսված է անշտապ պատրաստման համար: Թաջինի բացակայության դեպքում այն կարող եք փոխարինել հաստ հատակով կաթսայով:

Ուտեստն սկսեք պատրաստել մատուցելուց 4 ժամ առաջ:

Բաղադրիչները 
6 բաժնի համար

  • 1,5 կգ ոչխարի ազդրամիս
  • 1 բաժակ պատրաստի սիսեռ՝ պահածոյացված կամ եփած
  • 400 գ դդում
  • 5 միջին չափի գլուխ սոխ 
  • մի բուռ սալորաչիր՝ առանց կորիզի
  • 1/2 բաժակ տոմատի մածուկ
  • 2 ճ. գ. կարագ
  • 1 ճ. գ. ձիթապտղի ձեթ
  • 1 ճ. գ. համեմունքների փունջ ռաս-էլ-խանուտ (տես՝ խորհուրդ 1)
  • մի պտղունց քրքումի թելիկներ
  • 1 դարչինի փայտիկ
  • 2 թ. գ. շաքարավազ
  • աղ, աղացած սև պղպեղ
  • խարիսա (տես՝ խորհուրդ 2)
  • լավաշ՝ մատուցելու համար

Պատրաստման եղանակը

  1. Մաքրեք ու մանր կտրատեք 3 գլուխ սոխը, խառնեք ռաս-էլ-խանուտի, պղպեղի ու աղի հետ: Ստացված մարինադը լցրեք ոչխարի ազդրամսի վրա, 2 ժամ թողեք՝ մարինացվի:
  2. Լայն ու ոչ խորը կաթսայի մեջ հալեցրեք կարագը, մարինադի միջից հանեք ոչխարի միսը, մաքրեք ու տապակեք կարագի մեջ: Ավելացրեք քրքրումի թելիկները, 2 բաժակ եռացրած ջուր և դարչինի փայտիկը, հասցրեք եռման աստիճանի: Կափարիչը փակեք և թույլ կրակի վրա 1,5 ժամ եփեք:
  3. Պատրաստի մսերից հեռացրեք ոսկորները՝ աշխատելով պահպանել մսի խոշոր կտորները, մսերի վրա աղ ու պղպեղ արեք: Ստացված սոուսից հնարավորինս հեռացրեք ողջ ճարպը:
  4. Մանր կտրտեք մնացած 2 սոխը: Կաթսայի մեջ 1 ճ. գ. կարագ ու 1 ճ. գ. ձեթ տաքացրեք, տապակեք սոխը, աղ ու պղպեղ արեք, ավելացրեք շաքարավազը ու տապակեք թույլ կրակի վրա մինչև սոխը ոսկեգույն երանգ ստանա՝ մոտ 15-20 րոպե: Կրակը թուլացրեք, ևս 10-15 րոպե տապակեք սոխը, մինչև այն լրիվ փափկի:
  5. Դդումը մաքրեք, պտղամիսը միջին չափի քառակուսիների ձևով կտրատեք: Սոխին ավելացրեք տոմատի պյուրեն և սոուսը, որի մեջ պատրաստել եք ոչխարի միսը: Հասցրեք եռման աստիճանի:
  6. Սոուսին ավելացրեք միսը, սիսեռը, դդումը և 15 րոպե շոգեխաշեք փակ կափարիչի տակ: Կափարիչը հանեք, ավելացրեք սալորաչիրը և ևս 15 րոպե պատրաստեք:
  7. Թաջինը մատուցեք խարիսա կծու սոուսի և լավաշի հետ:

Խորհուրդ 1: Ռաս-էլ-խանուտ համեմունքների խառնուրդի համար խառնեք 1 թ. գ. աղացած զիրա, իմբիրի փոշի և աղ, 3/4 թ. գ. աղացած սև պղպեղ, 1/2-ական թ. գ. աղացած դարչին, համեմի սերմ, կայենյան և սև հատիկավոր պղպեղ, 1/4 թ. գ. աղացած մեխակ: Այս խառնուրդը պահեք փակ կոնտեյների մեջ, մութ դարակում, լույսի ու ջերմության աղբյուրներից հեռու:

Խորհուրդ 2: Խարիսան չիլի պղպեղով, սխտորով, զիրայով և ձիթապտղի ձեթով խիտ, կծու սոուս է: Դուք կարող եք այն տանը պատրաստել. պարզապես պետք է մանրացնեք բաղադրիչներն ու իրար խառնեք:

«Չորրորդ իշխանություն», թիվ 4, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         աֆրիկյան խոհանոց, Նմուշներ աշխարհի խոհանոցներից, «Չորրորդ իշխանություն»


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված




Տիկին, լա՞վ եք
Տիկին, լա՞վ եք
22.04.2021 / 1422































Ցինիկ և տխմար
Ցինիկ և տխմար
13.04.2021 / 584





Ստոպ-կադր
Ստոպ-կադր
11.04.2021 / 556







Совет да любовь