...

Հեշտ ու համեղ. Տապակած ճուտ՝ իտալական ձևով

Հեշտ ու համեղ. Տապակած ճուտ՝ իտալական ձևով

Լոլիկի սոուսով ճուտը Մարկեի խոհարարական խորհրդանիշն է: Այս ուտեստը լավ է մատուցել դդմիկի (ցուկինիի) և ռուկոլայի աղցանով:

Ուտեստն սկսեք պատրաստել մատուցելուց 3 ժամ առաջ:

Բաղադրիչները

  • 1 ճուտ՝ 1,2 կգ քաշով
  • 300 գ լոլիկ
  • 1/2 բաժակ սպիտակ չոր գինի
  • 2 պճեղ սխտոր
  • փոքր փունջ մաղադանոս
  • 1 փունջ հազրեվարդ
  • 4 ճ.գ. ձիթապտղի ձեթ
  • աղ
  • աղացած սև պղպեղ

Աղցանի համար

  • 3 դդմիկ կամ ցուկինի
  • 1 փոքր փունջ ռուկոլա
  • 2 պճեղ սխտոր
  • 6 ճ.գ. ձիթապտղի ձեթ
  • 3 ճ.գ. գինու քացախ
  • աղ

Պատրաստման եղանակը

  1. Աղցանի համար սխտորը ճզմեք, ցուկինին կամ դդմիկը կտրատեք, 3 ժամով թողեք ձիթապտղի ձեթի, աղի, քացախի ու սխտորի խառնուրդի մեջ:
  2. Լոլիկների վրա դանակով խաչաձև կտրվածք արեք, 30 վրկ մտցրեք եռացրած ջրի, ապա սառը ջրի մեջ, կեղևն ու սերմերը հեռացրեք: Միջուկը խոշոր կտորներով կտրատեք: Սխտորը մի փոքր ճզմեք: Մաղադանոսն ու հազրեվարդը մանր կտրատեք:
  3. Ճուտը 8 համահավասար մասերի բաժանեք: Մեծ թավայի մեջ տաքացրեք ձեթը, ավելացրեք սխտորն ու մասնատած ճուտը, բոլոր կողմերից կտորները տապակեք, մինչև ոսկեգույն երանգ ստանալը: Ճտի վրա լցրեք սպիտակ գինին, թողեք գոլորշիանա:
  4. Ավելացրեք լոլիկը, աղը, աղացած սև պղպեղը, մաղադանոսն ու հազրեվարդը և փայտե գդալով խառնելով՝ 40 րոպե պատրաստեք միջին ուժգնության կրակի վրա: 
  5. Տաքացրեք հաստ հատակով մեկ ուրիշ թավա: Մեջը լցրեք դդմիկը կամ ցուկինին, յուրաքանչյուր կողմից 3 րոպե տապակեք:
  6. Մեծ ափսեի մեջ տեղադրեք ռուկոլայի տերևների մի մասը (եթե դրանք մեծ են, ձեռքով մասնատեք), վրան լցրեք տապակած դդմիկը, դդմիկի վրա էլ մնացած ռուկոլան: Մատուցեք սառը վիճակում՝ տաք ճտի հետ:

«Չորրորդ իշխանություն», թիվ 27, 2020

ՆՄԱՆԱՏԻՊ ՆՅՈՒԹԵՐ
Դեպի ՎԵՐ