...

Հեշտ ու համեղ. Թխվածքաբլիթ «մարցիպան» Ջոյա դել Կոլեից

Հեշտ ու համեղ. Թխվածքաբլիթ «մարցիպան» Ջոյա դել Կոլեից

Ջոյա դել Կոլեն քաղաք է իտալական Ապուլիայում: 

Առաջարկում ենք պատրաստել տեղացիների բաղադրատոմսով այս մարցիպան անվանումով թխվածքաբլիթը:

Բաղադրիչները

  • 500 գ չբոված նուշ
  • 2,5 բաժակ մանր շաքարավազ
  • 2 ձու
  • 1 կիտրոնի կեղև
  • 1 փաթեթ կամ 10 գ վանիլային շաքարավազ
  • կարագ ու ալյուր՝ տապակին քսելու, ցանելու համար

Պատրաստման եղանակը

  1. 2 լիտր ջուր եռացրեք, 5-10 րոպեով նրա մեջ պահեք նուշը, ինչից հետո մաքրեք կեղևը: Դա պետք է անել բթամատի ու ցուցամատի օգնությամբ, նուշը պետք է դուրս պրծնի կեղևից: Մաքրած նուշը չորացրեք և սրճաղացով կամ կոմբայնով աղացեք, վերածեք ալյուրի:
  2. Նուշի ալյուրը լցրեք թասի մեջ, ավելացրեք շաքարավազը (3 ճ.գ. շաքարավազ պահեք), մի քիչ հարեք ձուն ու վանիլային շաքարավազը, ավելացրեք ալյուրին: Կիտրոնի կեղևը մանրացրեք, կրկին ավելացրեք նուշի ալյուրին: Խմոր հունցեք:
  3. Տապակը պատեք կարագով, վրան ալյուր ցանեք: Խմորից ընկույզի մեծության գնդիկներ արեք: Գլորեք դրանք մնացած շաքարավազի մեջ, մի քիչ տափակացրեք ու տեղադրեք տապակի մեջ:
  4. Թխվածքաբլիթը տապակեք 180 աստիճան ցելսիուս տաքության ջեռոցում, մինչև ոսկեգույն երանգ ստանալը, մոտ 20 րոպե: Թողեք հովանա և մատուցեք:

Խորհուրդ: Եթե տանը լավ որակի փայլաթիթեղ ունեք, տապակը կարագով ու ալյուրով պատել պետք չէ: Պարզապես փայլաթիթեղը դրեք տապակի հատակին ու վրան շարեք թխվածքաբլիթները:

«Չորրորդ իշխանություն», թիվ 32, 2020

ՆՄԱՆԱՏԻՊ ՆՅՈՒԹԵՐ
Դեպի ՎԵՐ