15.03.2021   11:00
565

Փրկիչները շատ են, գործ անող չկա


Ընտրությունների անխուսափելիությունը, իհարկե, մեզ համար կասկածելի է: Սակայն ակնհայտ է, որ թե՛ իշխանությունը, թե՛ նախկինները պատրաստվում են այդ միջոցառմանը: 

Նախ ասենք, թե ինչու ենք կասկածում արտահերթ ընտրությունների անցկացմանը: Որովհետև հասկանում ենք՝ իշխանությունն ամեն ինչ անելու է ժամանակ ձգելու համար: Մի երկու տարի է մնացել հերթականին, և նրանք կարծում են, որ կարող են հասնել դրան: Ավելին, Նիկոլ Փաշինյանն ունի աջակիցների որոշակի քանակ, մանավանդ վիրտուալ աջակիցների, ինչը կարող է դեռ շոյել նրա սնափառությունը և հույս արթնացնել, որ հասարակությունը շուտով կմոռանա պատերազմը, բազմահազար զոհերին, տարածքների կորուստը և կշարունակի որոճալ նախկինների կոռուպցիայի մասին պատմությունները: Նշենք, որ նա չարաչար սխալվում է, նրան սխալ են զեկուցում: Հասարակության մեծամասնությունն առայժմ ծանր շոկի մեջ է: Երբ մի կերպ դուրս գա այդ վիճակից, շատ լավ հասկանալու է վատի և վատթարի տարբերությունը, հասկանալու է, որ պետք է պաշտպանի երկիրը այն դիլետանտներից, որոնց հենց ինքն է իշխանության բերել:  

Բայց վերադառնանք մեր քաղաքական դաշտին, որը, ինչպես արդեն նշեցինք, պատրաստվում է ընտրություններին: Այսօր չենք անդրադառնա մեդիապայքարին, կխոսենք նախկինների և ներկաների բուծած նորածիլ կուսակցությունների և նրանց հատկացված դերի մասին:

Հուսով ենք, սիրելի՛ ընթերցողներ, դուք չեք մոռացել, որ Հայաստանում ցանկացած նախընտրական ժամանակահատված ծնում է, այսպես կոչված, նոր ուժեր: Պատճառները պարզ են.

1. հասարակությունը հոգնել է հներից, նույն դեմքերից,
2. հասարակությանը պետք են նոր տեսարաններ, նաև դեմքեր,
3. նոր դեմքերը հավատարմորեն կծառայեն իրենց ծնողներին՝ հին ուժերին՝ իրական հակառակորդից ձայներ փախցնելով:

Փորձված մեխանիզմ է: Պատմական օրինակները, կարծում ենք, հիշում եք, ուստի դրանց չենք անդրադառնում: 

Եվ այսպես, սկսենք բազմափորձ նախկիններից: 

1. Պատերազմից անմիջապես հետո որպես մահապարտ ահաբեկիչ նրանք որոշեցին օգտագործել լավ մոռացված հինը՝ Վազգեն Մանուկյանին: Կստացվի՝ լավ, չի ստացվի՝ էլի լավ: Ի վերջո, զոհաբերվողն իրենց համար առանձնապես մեծ արժեք չէ: Վազգեն Մանուկյանն էլ կարծես դեմ չէ կյանքի մայրամուտին իրեն առաջնորդի դերում զգալուն, հնամաշ մտքերով նորից ներկայանալուն: Ն. Փաշինյանն էլ սրան առանձնապես դեմ չէ: Չէ՞ որ ի լուր աշխարհի ներողություն էր խնդրել հենց նրանից:

2. Այս փուլում անխնա օգտագործվում է նաև հարյուրերեսունամյա դաշնակցությունը: Տիկնիկավարները հասկանում են, որ սրանք կարող են աղմուկ բարձրացնել, Ն. Փաշինյանին հողատու և դավաճան անվանել, որքան սրտները ուզի, բայց քանի որ վարչապետը սարսափում է Սփյուռքի կոշտ արձագանքից, ապա դաշնակներին ձեռք չի տա:

3. Հընթացս մեջտեղ են գալիս ինչ-որ գործարարներ, օրինակ՝ ոմն Արտակ Թովմասյան, և ազգը փրկելու հայտ են ներկայացնում: Պետք կգան ընտրությունների ժամանակ: Փող ունեն:

Իշխանությունը նույնպես արբանյակներ է փնտրում, որովհետև իր ալենսիմոնյաններից ու մակունցներից հասարակությունը երբեք սպասելիքներ չի ունեցել, իսկ հիմա նրանք բացարձակապես զրոյացել են: 

1. Հենց «հեղափոխության» օրերին հրապարակում երևաց ՔՈ-ն՝ Քաղաքացու որոշումը: Այս կուսակցության անունն է անգամ նմանակում Նիկոլի Քաղաքացիական պայմանագրին: 

2. Արման Բաբաջանյանն էլ է իր կուսակցությունը ստեղծել և դիրքավորվել արևմտամետ դաշտում և հաճախ անթաքույց պաշտպանում է ազգակործան պատուհասին:

3. Վերջերս համագումար է անցկացրել «Արդար Հայաստանը»: Եթե ուշադիր լինեք, այս կուսակցության լիդերների կազմում կտեսնեք նիկոլամերձ անձանց:

Ահա այսպես, միասնաբար դարձյալ ասպարեզ են բերում անփորձ, շատախոս երիտասարդների և նախկին երիտասարդների, որպեսզի ընտրությունների դեպքում հավելյալ ձայներ փախցնեն:

Մի խոսքով, Հայաստանում փրկիչները շատ են, գործ անող չկա:  

Գրիգոր Խաչիկյան
(շարունակելի)
 

«Չորրորդ իշխանություն», թիվ 10, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Արտակ Թովմասյան, Նիկոլ Փաշինյան, Վազգեն Մանուկյան, Գրիգոր Խաչիկյան, Արման Բաբաջանյան, «Չորրորդ իշխանություն»


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված





























Ցինիկ և տխմար
Ցինիկ և տխմար
13.04.2021 / 577


Ստոպ-կադր
Ստոպ-կադր
11.04.2021 / 550















Հերքում
Հերքում
12.04.2021 / 480