Չորեքշաբթի 03.03.2021 21:42

Սատիրիկոն/Լուր-մեկնաբանություն
03.03.2021 / 20:45
Սատիրիկոն/Լուր-մեկնաբանություն
03.03.2021 / 20:00
Սատիրիկոն
03.03.2021 / 19:00
Սատիրիկոն/Լուր-մեկնաբանություն
03.03.2021 / 17:30
Քաղաքական
03.03.2021 / 16:30
Սատիրիկոն/Լուր-մեկնաբանություն
03.03.2021 / 15:30
12.07.2020   19:00
730

Խաղողի մթերումը՝ փակուղու առաջ


Գինեգործները վնասով են աշխատում

Խաղողի մթերման գործն այս սեզոնին հարթ չի ընթանա: Գինու արտադրությամբ զբաղվող գործարանները եկամուտ չեն ստացել, խմիչքի մի մասն էլ չի վաճառվել, խաղող մթերելու հարցում դժվարություններ են ծագելու:
Բայց գինեգործների եկամուտները չեն կրճատվել միայն կորոնավիրուսի պատճառով:

Խնդիրների մի մասը ծագել էր նախքան համավարակը: Դեռ ձմռանը Վրաստանը խոչընդոտներ ստեղծեց կոնյակի սպիրտի արտահանման համար: Վրացական կողմի պնդմամբ՝ հայկական կողմից տեղափոխվող ցիստեռնները լցված են կոնյակի կեղծ սպիրտով և չեն համապատասխանում այն չափանիշներին, ինչը ներկայացված է փաստաթղթերում: Եվ հայկական կոնյակի սպիրտն ուղարկում են եվրոպական երկիր փորձաքննության: Այս խնդրին բախվել է նաև «Ագաթատ-գոլդ» ընկերությունը:

«Ապօրինաբար մեր մեքենաները կանգնեցնում էին, մենք էլ օրը 300 դոլար տույժի տակ ենք ընկել: 300 000 ռուբլի ես եմ տուժել, այդքան էլ իմ գործընկերը: Մի բան էլ մեր գրպանից դրել ենք, որ կարողանանք այդ տույժերը փակել: Այսօրվա դրությամբ կոնյակը լրիվ դադարի մեջ է»,- «ՉԻ»-ի հետ զրույցում ասաց գործարանի համասեփականատեր Արսեն Ներսիսյանը:

Վրացիները մասնակցել են կոնյակի սպիրտի կեղծմանը

Գինեգործների միության նախագահ Ավագ Հարությունյանի խոսքով՝ կոնյակի սպիրտի մասին վրացիների կասկածները մասամբ են ճիշտ: Տարիներ շարունակ վրացիներն աչք են փակել այս խնդրի վրա, հիմա փոխվել են:

«Կեղծ սպիրտի գործում վրացական գործոնը վերացել է: Աչք են փակել, որովհետև այդ մաֆիայի մասն են եղել: Վրացիները տարիներ շարունակ մասնակցել են հայկական սպիրտի կեղծման գործին: Հիմա դա չկա: Մեր կողմից շատ բարձրաստիճան մարդիկ էին ներգրավված այդ գործին, հեղափոխությունից հետո վրացական գործոնը վերացավ և հիմա իրենք տարանցիկ սպիրտի հետ կապված օբյեկտիվ են դարձել»,- նշեց փորձագետը:

Կոնյակի վաճառքի հիմնական շուկա Ռուսաստանում վաճառքն այլևս առաջվանը չէ: Ուզբեկստանից Ռուսաստան էժան կոնյակի սպիրտ է ներմուծվում, և հայկական կոնյակը ծանր վիճակում է հայտնվում:

«Շշով արտահանում կատարվել է, բայց կոնյակի սպիրտ չենք կարողացել արտահանել: Վրաստանը մինչև այսօր մեր սպիրտի ճանապարհը փակել է, դրան էլ գումարած թանկացումները, և վաճառքը կանգնել է: Կոնյակագործության մեջ կարևորներից մեկը սպիրտի վաճառքն է, որն էլ չկա: 0 վիճակ է վաճառքը: Կոնյակի հերն անիծվեց»,- նշեց գործարարը:

Մի կողմից արտահանման ծավալներն են կրճատվել, մյուս կողմից էլ՝ տեղում վաճառքն է կանգնել: Գինու ու կոնյակի պահանջարկն ավելանում է ուրախ առիթներին, իսկ կորոնավիրուսի պատճառով հարսանիքներ ու ծննդյան տարեդարձներ գրեթե չեն նշում:

Գինեգործների միության նախագահը փաստում է՝ այսօրվա դրությամբ դրսի շուկայում շուրջ 60-65 տոկոս կորուստ ունենք, իսկ ներքին շուկայում՝ մոտ 80:

Խաղողի մթերման գինը հնարավոր է նվազի

Խմիչքի շուկայում այսպիսի պատկեր ունենք, քանի որ, ըստ փորձագետի, խմիչքները խոցելի են ճգնաժամերի ժամանակ: Ցանկացած ճգնաժամի դեպքում օղու սպառումն ավելանում է, գինունն ու կոնյակինը՝ նվազում:

«Մենք մոտ 11 մլն լիտր արտադրանքի պայմաններում 3 մլն լիտր էինք արտահանում: Մնացածը սպառվում էր տեղում՝ սպառում էին տուրիստական հոսքերը, բնակչությունը: Հիմա զբոսաշրջային հոսքերը կանգնած են: Իսկ տարաներն ազատ են 20 տոկոսով: Դա շատ մեծ թիվ է, և մթերման հետ կապված խնդիրներ կառաջանան»,- նկատեց Ավագ Հարությունյանը:

Հայաստանում, ըստ նախնական հաշվարկների, այս տարի ակնկալվում է 230 հազար տոննա խաղողի բերք:
Հարությունյանի համոզմամբ՝ խաղողը վազին չի մնա, բայց կարող են մթերման գները նվազել: Հարցականի տակ է հայտնվելու նաև գինու որակը:

«Խաղողը կարելի է ինչ-որ կերպ մի տեղ տեղավորել՝ սպիրտ ստանալ և անորակ գինի: Բայց սպիրտի սպառումն էլ դադարել է: Իսկ անորակ գինին, որի սպառումը հիմնականում ՌԴ-ում է իրականացվում, ներկայումս ռուբլու 15-20 տոկոս արժեզրկման պատճառով չի սպառվում»,- նշեց մեր զրուցակիցը:

Իսկ գործարանները պատրաստ են խաղող մթերել, եթե պետությունը 3-4 տարի մարման ժամկետով անտոկոս վարկեր տրամադրի:

Գինեգործների միության նախագահի դիտարկմամբ՝ նման առաջարկը կարող է գայթակղիչ լինել գործարարների համար, բայց հետագայում վաճառք չունենալու դեպքում տուժելու են:

Ավագ Հարությունյանը հիշեցնում է՝ նման 4 ճգնաժամ ենք հաղթահարել: Այս մեկը տարբերվում է նրանով, որ համակարգված կոռուպցիա չկա: Նախորդ ճգնաժամերի ժամանակ պետական ռեսուրսներն ուղղվում էր մի քանի մարդու գրպան, այդ ամենի հետևանքով օլիգարխները հարստացան: Հիմա կառավարությունը պետական ռեսուրսները թիրախային ոլորտներին է ուղղում:

Մանյա Պողոսյան

«Չորրորդ իշխանություն», թիվ 17, 2020



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Մանյա Պողոսյան, Ավագ Հարությունյան, «Չորրորդ իշխանություն», Արսեն Ներսիսյան


››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



Ստոպ-կադր
Ստոպ-կադր
01.03.2021 / 540























Բա սա կյա՞նք է
Բա սա կյա՞նք է
03.03.2021 / 10